DISO FITIA (Aro-Zo)
(Nalaina tao amin'ny vetso.serasera.org)
Raha hanaiky azy ianaoMiangavy an-tanan-droa aho:
idifio ny lalako
Manahy aho mantsy sao
Tsy ho haiko ny hamefy
ny hambom-po adalako
Raha izy no tinendry
Hiombonanao fo,
saina sy fanahy
Hangina aho f'olon-kendry
Ka tsy haniry foana
ny tsy natao ho ahy
Samy tia 'nareo
Fa isika kosa:
mpanonofy sy nofisina
Ka tsy hiara-peo
N'inona hovolena
n'aiza hohamafisina
Raha toa 'nareo ka hiombona
Iereo ny fijeriko
hataoko fiononana
Ho tsabo hampikombona
Ny ratran'ity foko
diso fitonantonana
Aro-Zo(septambra 2018)
--------
Rohy:
Mpakafy:
raims randriamalala
Hevitra mandeha
raims randriamalala
(
22/08/2019 12:50)
😊
Aro-Zo
(
22/08/2019 13:34)
Nikorontana ny firafitr'io tononkalo io noho ny finday nandefasana azy.Ialana tsiny
raims randriamalala
(
22/08/2019 13:44)
Toro hevitra kely ho anao, raha manana adiresy mailaka ianao dia azonao atao tsara ny mandrafitra ny tononkalonao ato, izany hoe somary alaminao ato anatin'ity vetso serasera ity izany ny sangan'asanao,
ianao anefa tena manana ainga tena mahafinaritra be, misy azoko ihany lay izy rehefa tena novakiko, raha ny fahitako azy eto mantsy dia ohatrany mahita tononkalo roa samihafa izany aho ko,
ianao anefa tena manana ainga tena mahafinaritra be, misy azoko ihany lay izy rehefa tena novakiko, raha ny fahitako azy eto mantsy dia ohatrany mahita tononkalo roa samihafa izany aho ko,
raims randriamalala
(
22/08/2019 13:45)
mazotoa mamerina ry aro-zo a, mahafinaritra be lay tononkalonao fa tohizo dia avereno raha mety ho hitan'ny mpamaky 😊, 😜
hery
(
22/08/2019 14:50)
Nahitsiko kely, tokony ho ok.
Azo ahitsy raha misy olana.
Azo ahitsy raha misy olana.