ILAY DIA-PENIN'OLON-DROA (bobone)

Nantsain'i ikalamako
(Nalaina tao amin'ny vetso.serasera.org)
ILAY DIA-PENIN'OLON-DROA

Andriamanitra o!
Eto anivom-pahanginana
takariva matro-bolo
no iantsoako anao
Toa zary nanombinana
ny hasambarana nokatsahiko
nefa indrisy hatramin'izao
nisolo ngidy toa mafaitra
mila tsy ho zaka intsony

fa ilay fanilo nanazava ity làlana aloha no nidify ilay sakeli-dalana
niarahanay namindra
ka zary sento omban'angeli-kary no sisa nandre ity feo mikasom-pisentoana

Gaga loatra aho ry Ray
fa ilay fiainam-pahasambaranay
toa nentin-draho-nitambolona any

izaho irery sisa
no mamisavisa
ilay tositosim-pifaliana
ilay fiangotingotiana...!!!
dia voakotsan-drano-mainty
ilay takelam-pahatsiarovana nosonoratray FITIA
tsy nahitana intsony ilay DIA-PENIN'OLON-DROA


e! atao ahoana moa
mangina rehefa voa e!
--------
Rohy:
1831 2
Hametraka hevitra
Midira aloha
Momba ny tononkalo
Mpanoratra : bobone
Nampiditra : bobone
Daty : 14/10/2005 07:36
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.0114