Tiako enao ry Tanindrazako (Dovan Andrian)

Tiako enao ry Tanindrazako,

Na potehina simbaina,
Na ravana sy ratraina,
Na lotoina ka zimbaina
Eny, na dia simba karakaina!

Na ranomaso sy tomany,
Na tabataba sesilany,
Na mandohalika amin'ny tany,
Fa ny ahy, dia enao irery ihany

Fa hitempo anao ny foko,
Na alehelo sy toloko,
tsy misy hafa hasoloko,
ka tsy hangina izany molotro

Fa any andro iray angamba,
Hiovan'ny tantara,
K'izaho mihintsy no hanambara,
Fa tena hafa, i Gasikara

Eny, tiako enao ry Tanindrazako....

Dovan Andrian

21/10/2015
--------