IZAHO SY IANAO (Elysé Azrael)

Tena tiako be
Raha toa ka hoe
Zaho sy ianao
Hanorina tontolo vaovao...

Dia izaho sy ianao
No hiara-honina ao,
Ka tsy intsony
'Reo lonilony,
Fa ho hasambarana hatrany...

Dia tena ho sambatra tokoa,
Ny fiainantsika roa... ho soa...
Raha toa ianao anilako...

Ny anio, ny hoavy manontolo
Ho tonga lafatra
Hamiratra ho soa:
Raha toa isika roa...

Manahy aho nefa tia,
Nefa tena tia,
Raha isika samy tia:
Ny antsika ho doria...

Tontolo lafatra,
Tena sambatra,
Raha izaho sy ianao
Tsy mifandao: ny tontolontsika ho tontolo vaovao
--------