Ampidiro aloha ny tenimiafina
AIZA IANAO, RY TANINDRAZAKO ? (Fredy Jaofera)
Pas encore lu
(Nalaina tao amin'ny vetso.serasera.org)
AIZA IANAO, RY TANINDRAZAKO ?Aiza ianao, ry tanindrazako,
fa malahelo ange ny foko ?
Lanitra hafa no mba tazako
sy raho-mainty mitsitoko.
Aiza ianao, ry tanindrazako,
fa manimanina aho izany ?
Ao aminao no fahombiazako,
mandra-pialako eto an-tany.
Aiza ianao, ry tanindrazako,
fa vahiny aho indraindray ?
Maro be no tsy ho voalazako
ny sento lava hatramin'izay.
Aiza ianao, ry tanindrazako,
fa anjara lova mandramaty ?
Satry foana ny hofafazako
ny firariana avy ao anaty.
Fredy JAOFERA
--------
Lien:
