You are here: home > Vetso

Amiko ny zanaka - Fredy Jaofera

Azo vakiana?


Amiko ny zanaka dia tiako noho ny tiako

Fa aina avy amin’ny aiko sy soa efa niriko ;

Amiko ny zanaka dia harena tsy hay soloina

Hikirizako isan’andro fa dimby ka koloina ;

Amiko ny zanaka dia tena adidy iray goavana

Tsy ilana fahakiviana fa ekena am-pitiavana;

Amiko ny zanaka dia hasambaran-dray sy reny,

Mainka moa ra’hendry sy milofo foana ombieny;

Amiko ny zanaka dia mbola andry fianteherana

Rehefa reraka sy osa na mba tojo fahanterana.

Fredy JAOFERA

Sokajy : Fianakaviana

Hevitra mandeha

ANARIM (30/05/2006 09:33:22)

mankasitraka e!

Hametraka hevitra

Midira aloha