AN-KOSO-BOLAMENA (2) (Fredy Jaofera)
Mbola tsisy niantsa
(Nalaina tao amin'ny vetso.serasera.org)
AN-KOSO-BOLAMENA An-koso-bolamena
ny endri-piainana any
mamirapiratra jerena
fa tsy atokisako ihany.
An-koso-bolamena
ny fitia naderaderany
be vola aman-karena
tsy misy ny fitserany.
An-koso-bolamena
ny tsiky nahavariana
mody tsara fa nihena
rehefa tojo fahoriana.
An-koso-bolamena
ireo soa nabaribariny
hahitana famonjena
fa maro no tsy rariny.
Fredy JAOFERA
--------
Rohy:
Sokajy :
Fisarahana - Fahatsiarovana - Fananarana - Fiaraha-monina - Alahelo - Eritreritra mandalo - Fiainana - Aingam-panahy
