ANDROANY (2) (Fredy Jaofera)

ANDROANY





Androany, niserana
'lay endrikao taloha
ka nahabe fitserana,
na vetivety aza moa.




Androany, nitosaka
'reo ora nisentoana
ka tsy afa-niposaka
ny vazom-piravoana.




Androany, nibahana
'lay onjam-pitiavana
tsy mba nivavahana
na isan'ny finiavana.




Androany, nivolana
ny aingan'ny fahiny
rakotra ohabolana
sy any ankehitriny.




Fredy JAOFERA
--------