ANJOMARA (Fredy Jaofera)

ANJOMARA




Toa feon’anjomara
avy any lavitra any
no reko ka niafara
ho tsiky sy vinany.




Nanaitra ny alina
fa ho avy ny maraina
hampiravoravo lalina
ny efa nandrandraina.




Namoha ny torimaso
fa ho avy ny fotoana
hialan’ny ranomaso
sy ny rediredy foana.




Naneno tsy nitsahatra
fa ho avy izay nirina
hamorina ny lahatra
ho zary fitahiana !





Fredy JAOFERA
--------