ANKAFIZO NY FETINAO (Fredy Jaofera)

ANKAFIZO NY FETINAO





Ankafizo ny fetinao
fa androm-pifaliana
mitory fiainam-bao,
mandroso fitahiana.




Ankafizo ny fetinao
fa nitombo taona re,
fenoy tsiky sy lalao
ho hasambaram-be.




Ankafizo ny fetinao
fa mahafinaritra eto
mandihiza, anjakao
ny sehatra hatreto.




Ankafizo ny fetinao
fa manan-kazavana
ka ny sento, avelao
ho soa ny fiafarana.





Fredy JAOFERA
--------