AO AM-POKO (Fredy Jaofera)

AO AM-POKO




Ao am-poko no matory
'reo nofinofy tsy tanteraka,
miteny lava hoe : izory
rehefa mila ho reradreraka.



Ao am-poko no mitoetra
'reo hetaheta be fiadanana,
satry foana ho tarigetra
mandra-pisy izay ho hananana.



Ao am-poko no mikalo
'lay fitia tsy nanam-bintana,
tsy niriko ny hampimalo
fa hanazava toy ny kintana.



Ao am-poko no mijaly
'reo hantahanta toa tsy very,
satry foana sy miangaly
ny andro maro takom-pery.





Fredy JAOFERA
--------