ARAKO (Fredy Jaofera)

ARAKO




Arako hatry ny ela
ny hevitry ny ozony,
fa saingy hoe navela
hahangeza ny vozony !



Arako tamin'ny jaly
ny hevitry ny fosany,
fa naleoko tsy namaly
raha ireny no natosany.



Hita tamin'ny latsa
ny hevitry ny tsarany,
fa tsy ampiampy patsa
dia nesoina tsisy farany.



Hita tamin'ny vava
ny hevitry ny sainy,
ka niantsoantso lava
fa tsy azo izay lalainy !






Fredy JAOFERA
--------