ASARAMANITRA (Fredy Jaofera)

ASARAMANITRA




Enga anie ho taom-pamafazana
hamokaran'ny soa sy ny tsara ;
enga anie ho taom-pahombiazana
hotsaroana sy tena ho tantara.




Enga anie ho taom-panambinana
hahasambatra anao aok'izany ;
enga anie ho taom-pitsimbinana
hahatafita ombieny eto an-tany.




Enga anie ho taom-pahasoavana
hitobahan'izay faniriana rehetra ;
enga anie ho taona mba goavana
ho lavitry ny sento sy tsetra.




Enga anie ho taom-pifaliana
hampiadana sy hampiavaka ;
enga anie ho taom-pirariana
hahitana ny saotra sy vavaka.





Fredy JAOFERA
--------