BORIBORY (Fredy Jaofera)

BORIBORY




Boribory ny tany
ka mihodina ihany
hanova ny lasa
ho tsara fikasa.



Boribory ny tany
ka mihasesilany
ny soa sy ny tiana
hanome fitahiana.



Boribory ny tany
ka simba sy lany
ny sento rehetra
nampitsetsetra !



Boribory ny tany
ka manana akany
ny fo sy ny saina
toa ela nangaina.



Boribory ny tany
ka efa any ho any
ny jaly nampikoro
ny tena tsy hijoro !




Fredy JAOFERA
--------