DOMELIN'NY HARENA (Fredy Jaofera)

DOMELIN'NY HARENA






Domelin'ny harena
ny masom-panahiny
ka 'zay fahendrena
tsy hita ho sahiny.



Domelin'ny harena
ny vavahadin-tsainy
ka tsisy hojerena
ny zavatra hainy.



Domelin'ny harena
'ty lalan-kombany
ka izao re mihena
ny vintany an-tany.



Domelin'ny harena
ny tsiky natolony
ka tsy mba nekena
raha iny no solony.



Domelin'ny harena,
na izay fitiavany
ka tsy hay fefena
'reto mba vavany !






Fredy JAOFERA
--------