Eny (Fredy Jaofera)

Manjombona,lahy,izato foko
Manjombona sy rako-tomany ;
‘reo maty no tonga tsaroako,
manetsika foana hanontany.
Nankaiza ilay volan-tantely
Fa ny alina no mamirifiry ?
Nankaiza no tsy hita mively
Ireo vazon’ny fo makadiry ?
Nankaiza ilay efa masoandro
Noheveriko hitondra hafanana ?
Rahoviana no afaka hitandro
‘reo toky irina hahatamana ?
Tsy laviko fa misy tomany,
Milatsaka ho azy mangina;
Kanefa raha mbola izy ihany,
Aleoko mandeha,tsy ijaliana !
Tsy laviko fa misy fotoana
Ahatsiarovako ireo efa lasana;
Kanefa raha mbola hampisaona,
Aleoko mandeha,tsy andrasana !
--------