ETO AN-DRANO MAMBA (Fredy Jaofera)
Pas encore lu
(Nalaina tao amin'ny vetso.serasera.org)
ETO AN-DRANO MAMBA Eto an-drano mamba
no maka rivotra kely
fa tsy manasa lamba
na toa mitady angely.
Eto an-drano mamba
no mandefa fisainana
ka ny mihambahamba,
tsy eken'itony fiainana.
Eto an-drano mamba
no mirotsa-dranomaso
fa tsy hainao angamba
irony sedra sy an-kaso.
Eto an-drano mamba
no malahelo ny tena,
fa tsy sambasamba
ny fijaliana novolena.
Fredy JAOFERA
--------
Lien:
Catégorie :
Fisarahana - Tanindrazana - Embona - Ahy - Fahatsiarovana - Fananarana - Fiaraha-monina - Alahelo - Eritreritra mandalo - Fiainana
