FANTATRO (Fredy Jaofera)

FANTATRO




Fantatro fa diso ny làlana asainy
izoran'ny safidim-poko,
ka aza igagana raha tsy hita lalainy,
fa efa tsy inoako !



Fantatro fa diso ny toky tadiaviny
tsy maintsy anajana azy,
ka aza talanjona ra'zao re no ho aviny
fa anjara sy sazy !...



Fantatro fa diso ny tsiky natolony
hanakonany ny marina,
ka aza sondriana ra'tsisy eto imolony
ny mbola hahatafarina.



Fantatro fa diso ny saina kendreny
ambarany ho mahasoa,
ka aza mamaly na sendra be teny
fa tsara izy voa !





Fredy JAOFERA
--------