FARARANO - Fredy Jaofera

FARARANO





Masoandro migaina
no mamely ny aina,
ranomasina manga
no indro mitranga.




Feom-borona vitsy
no misioka mihitsy,
manaitra eny ihany
hiravo eto an-tany.




Ny, hoe, torapasika
hita ho midadasika,
mbola olona maro
toa mifangaroharo.




'Reo ankizy mifaly
hatramin'ny omaly
dia mahay milalao
tsy ahitana raorao.





'Reo izay milomano
avia, ange, tazano
fa sambatra, lahy,
no toa tsy manahy.





Fredy JAOFERA