Fetin'ny reny - Fredy Jaofera

Azo vakiana?

Raha tonga ny fetin’ny reny,
Satriko ny hangina ombieny,
Satriko ny ho singan’irery
Ho olona tsy manam-pijery;
Satriko ny hivetso ao anaty
Ny senton-dreny efa maty.
     Raha tonga ny fetin’ny reny,
     Satriko ny tsy hanam-piteny,
     Satriko ny hitoba-piadanana
     Tahaka an’ireo mbola manana;
     Satriko ny hikaroka ny ahy,
     Na any sy efa lasa fanahy.
Raha tonga ny fetin’ny reny,
Satriko ny hizotra eny ho eny,
Satriko ny hitady ny anjarako
Hitondra ireo fahasambarako;
Satriko ny hanolotra ho azy
Raozy mena fa tsy vazivazy.

Mombamomba

Mpanoratra : Fredy Jaofera

Nampiditra : hery
Daty : 20/01/2004
Mpamangy : 7997
Mankafy : 0

Tononkalo hafa

HIRA (2)
NY OLONA HENDRY
MY TEARS
KAHIE
MIFALIA
TAMBATAMBAZANA
VELOMA TSY ZAKA
REHEFA MIALA AMINAO
NY RENY TIA
REHEFA MARINA