FIHAVANANA (Fredy Jaofera)
Pas encore lu
(Nalaina tao amin'ny vetso.serasera.org)
Trano atsimo sy avaratra'zay tsy mahalen-kialofana ;
izany no hoe mba fitaratra
tsy ilaina hototototofana !
Soroka miara-milanja,
tongotra miara-mamindra ;
mamiratra soa ireny fanja
hiaraka sy mba hirindra !
Tànana havia sy havanana,
marary izay indro didina ;
izany no tena fihavanana
tsy mety raha vidividina.
Maso sy orona hatrany
ka tiana iray alahelo ;
tiana ho havana ihany
raha ory sy mamelovelo.
Toy ny masoandro mazava
ka satry iray hafaliana,
satry hiseho lalandava
fa misy ny havana tiana.
Fredy JAOFERA
--------
Lien:
