HADINOY (Fredy Jaofera)

HADINOY





Hadinoy ny tebiteby
dia hanadino anao izany
ka tsy handrebireby
na hamoaka ireo tomany.




Hadinoy ny ady mafy
dia hanadino anao izany
ka ny ora nampihafy
ho tantara sisa androany.




Hadinoy ny fery lasa
dia hanadino anao izany
ka ny zava-nokinasa,
hitranga eto tsy hita lany.




Hadinoy ny lonilony
dia hanadino anao izany
ka ho tonga hamony
ireny raozy soan'ny tany.





Fredy JAOFERA
--------