HATRAIZA ? (Fredy Jaofera)
Mbola tsisy niantsa
(Nalaina tao amin'ny vetso.serasera.org)
HATRAIZA ?Hatraiza no misy ny fetra
hanova ny nahapararetra,
handroaka ny sento sy jaly
ho naman'ny lasa sy omaly ?
Hatraiza no misy ny tsiaro
tsy hamoha 'reo alina maro,
tsy hanaitra ireny ady mafy
fony tokana sy mba nihafy ?
Hatraiza no misy fotoana
tsy irina hanaloka foana,
tsy ilaina hamerina indray
irony sedra tena nahavay ?
Hatraiza no misy hirahira
tsy hamonto ireo sovenira,
tsy hivatsy ny hoe : alahelo
vao indro fa mamelovelo ?
Fredy JAOFERA
--------
Rohy:
Sokajy :
ahy - Fiononana - Fahatsiarovana - Eritreritra mandalo - Alahelo - fiainana - Aingam-panahy
