HONOHONO, AHOANA ? (Fredy Jaofera)
Mbola tsisy niantsa
(Nalaina tao amin'ny vetso.serasera.org)
HONOHONO, AHOANA ?Honohono, ahoana
ny tebiteby iainana ?
Hafahafa ity mitaona
ka mahabe fisainana.
Honohono,ahoana
ny tifitra nandeha ?
Miteniteny foana,
mahakivy izany re.
Honohono, ahoana
ny nifanjevo omaly ?
Be no maty noana
ny mponina mijaly.
Honohono, ahoana
ny hitaky fanovana ?
Topazo fa mivoana
ny atao hoe : lalàna.
Fredy JAOFERA
--------
Rohy:
Sokajy :
Eritreritra mandalo
