HONTSA AHO, RY FIRENENA !... (Fredy Jaofera)
Mbola tsisy niantsa
(Nalaina tao amin'ny vetso.serasera.org)
HONTSA AHO, RY FIRENENA !...Hontsa aho, ry firenena,
mahita anao sahirana
ka ny masoko aza lena
fa tsy misy ny ifikirana.
Hontsa aho, ry firenena,
mahita anao torovana
fa dia trosa no babena,
fahoriana no lalovana.
Hontsa aho, ry firenena,
mahita anao zimbaina ;
izao dia tsy azo ekena
raha toa ka tantaraina.
Hontsa aho, ry firenena,
mahita anao voaozona
kanefa aho manantena
fa izay hihozongozona.
Fredy JAOFERA
--------
Rohy:
Sokajy :
Ahy - Embona - Tanindrazana - Fananarana - Fiaraha-monina - Alahelo - Eritreritra mandalo - Fiainana - Aingam-panahy
Mpakafy:
Ralovarj
