You are here: home > Vetso

HOY - Fredy Jaofera

Azo vakiana?





HOY





Hoy ny andro lasa :
« Hadinoy tanteraka aho
raha misy tetik'asa
hitondra ny aim-baovao. »




Hoy ny ratra maro :
« Poteho tanteraka aho
ho lavitry ny tsiaro
amin'izay rehetra atao. »




Hoy 'reo ranomaso :
« Fadio tanteraka aho
raha mila torimaso
hampitony lava izao. »




Hoy ny sedra mafy :
« Ekeo tanteraka aho
raha maniry hitafy
ny fitahiana ao ho ao. »




Fredy JAOFERA