Impiry ?! (Fredy Jaofera)

Impiry aho no ory
fa tsy hita ianao nitondra tory ?

Impiry aho no kivy
fa tsy hita ianao efa ho in-tsivy ?

Impiry aho no irery
fa tsy hita ianao nitondra hery ?

Impiry aho no resy
fa tsy hita ianao nisesisesy ?

Impiry aho no niandry
fa tsy hita ianao hahatafandry ?

Impiry aho no nijaly
fa tsy hita ianao mba nampifaly ?

Impiry aho no niaritra
fa tsy hita ianao mba nahafinaritra ?

Impiry aho no narary
fa tsy hita ianao mbola hoe nirary ?

Impiry aho no niteby
fa tsy hita ianao toa nisomeby ?


Fredy JAOFERA
--------