INONA HOE ? (Fredy Jaofera)
Mbola tsisy niantsa
(Nalaina tao amin'ny vetso.serasera.org)
INONA HOE ?Inona hoe ?...Ianao ve no reniko ?
Aleoko mangina fa dia ny peniko
mitarika hanoratra zava-tsy zaka,
mampitorovana sy toa lalim-paka.
Inona hoe ?...Ianao ve no reniko ?
Halako izany fa tena tsy afeniko !
Tsoriko izany fa tsy hita nanampy
fony nisento sy te hiantsampy.
Inona hoe ?...Ianao ve no reniko ?
Moa tsy henatra sy tena neniko ?
Aleoko misintaka fa nandrendrika,
aleoko mikopaka fa tsy mendrika.
Inona hoe ?...Ianao ve no reniko ?
Sahinao ve no mandiso ny teniko ?
Raha zanakao, nahoana latsaina ?
Nahoana ny ratsy no notanisaina ?
Fredy JAOFERA
--------
Rohy:
Sokajy :
Fisarahana - fiainana - Fahatsiarovana - Eritreritra mandalo - Alahelo - Aingam-panahy - ahy
