ISAN'ANDRO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
ISAN'ANDROIsan'andro aho mahare feo
mitaditady sy mahamirana,
miantsoantso sady avy eo
mihirahira an-kodimirana.
Isan'andro aho mahare ako
miverimberina tsy miato,
manaitaitra ary zary bako,
nanavatsava tato ho ato.
Isan'andro aho mahare vazo
manelingelina ahy matory,
mitaraindraina no tsy azo
ampanginina eto akory.
Isan'andro aho mahare eto
sentosento tsy hay ambara
te handeha ary mba raketo
fa misesisesy no tsy tsara.
Isan'andro aho mahare any
bitsibitsika hafa ombieny
manadala ary manontany
aiza ho aiza ity mankeny.
Fredy JAOFERA
--------
Rohy:
