IZAY TSARA TAMINTSIKA (Fredy Jaofera)

IZAY TSARA TAMINTSIKA





Izay tsara tamintsika
dia sarotra hadinoina
rehefa nampandriaka
ranomaso novonoina.




Izay tsara tamintsika
dia mitahiry etoana
tantara mahasariaka
mbola azo irosoana.




Izay tsara tamintsika
dia harena lalandava
sy andro manjopiaka
mitondra ny mazava.




Izay tsara tamintsika
dia velona ho doria
toa raozy tsara bika
nahakanto ilay fitia.




Fredy JAOFERA
--------