You are here: home > Vetso

KIRY - Fredy Jaofera

Azo vakiana?

KIRY





Tsy tody ny tanjona
raha tsy nisy ny kiry
niamboho ny anjona
sy nanery azy hitsiry.




Tsy velona ny ezaka
raha tsy nisy ny kiry,
na dia efa tofezaka
tsy mba hay impiry.




Tsy nipoitra ny soa
raha tsy nisy ny kiry
tsy nanam-paharoa
sady izay makadiry.




Tsy nivazo ny tany
raha tsy nisy ny kiry
notohizina hatrany,
na voan'ny hirifiry.




Fredy JAOFERA


Hametraka hevitra

Midira aloha