LOZA (Fredy Jaofera)

LOZA




Ny lapa ?...
May ireny ka dia may !
Tantara ihany sisa !....
Mirongatra eto indray
ny alahelo mila kisa.




Ny rova ?...
May ireny ka dia may !
Vetsoina ihany sisa !....
Mbola misy sy mivay
'tony sento mikorisa.




Ny afo ?...
Maty ireny ka dia maty !
Tsaroana ihany sisa !...
Mitsakotsako anaty
'rony loza voatanisa.




Ny soa ?...
Maty ireny ka dia maty !
Nofinofy ihany sisa !....
Rindrim-be poak'aty
no mitondra visavisa.





Fredy JAOFERA
--------