MAMENO (Fredy Jaofera)
(Nalaina tao amin'ny vetso.serasera.org)
MAMENORehefa alahelo no mameno
'zany fony hatramin'izay,
ho sarotra aminy ny haheno
ny taraina nahazo anay.
Rehefa alahelo no mameno
'reo ady nampandreraka
mandehana izy moa teneno
fa aty kivy be tanteraka.
Rehefa alahelo no mameno
ito fiainany isan'andro,
rediredy ombieny ny areno
nefa, hono, te hitandro.
Rehefa alahelo no mameno
ny anio hatramin'izao,
ho faty ho azy fa tsy haneno
ny mozikany ao ho ao.
Fredy JAOFERA
--------
Rohy:
