MANDALO NY ZAVA-DREHETRA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MANDALO NY ZAVA-DREHETRAMandalo ny zava-drehetra
ka araraoty mandrakariva
ny hafaliana mba hitoetra
tsy amin'izato feo iva.
Mandalo ny zava-drehetra
ka eritrereto izay hahasoa
fa aoka ianao tsy hitsetra
raha te ho tretrika tokoa.
Mandalo ny zava-drehetra
ka tanteraho re ny tanjona
isan'andro tsy misy fepetra
tsy misy fosa sy anjona.
Mandalo ny zava-drehetra
ka asio vavaka lalandava
no farany fa ilay tarigetra,
mampiranga ny mazava.
Fredy JAOFERA
--------
Rohy:
Sokajy :
Fisarahana - Ahy - Fiaraha-monina - Fananarana - Eritreritra mandalo - Fiainana - Aingam-panahy
