MANDEHANA, RY VOROMAILALA ! (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MANDEHANA, RY VOROMAILALA !Mandehana, ry voromailala,
mankany amin'ilay olo-malala,
ka bitsibitsiho fa tsy matory
ny aty ange no sady oriory !
Mandehana, ry voromailala,
faingàna fa aza misalasala ;
mitady azy loatra ny saina,
miandry eto toa savolaina.
Mandehana, ry voromailala,
iny ilay tsy manan-tsahala
ivavahako amin'ny feo iva
rehefa tojo ilay takariva.
Mandehana, ry voromailala,
ka aoka re tsy hisy hahalala
'zao iraka mitady fitiavana
nampipoitra avy ny avana.
Fredy JAOFERA
--------
Rohy:
Sokajy :
Fitiavana - Fisarahana - Fiononana - fiainana - Fahatsiarovana - Eritreritra mandalo - embona - Alahelo - Aingam-panahy - ahy
