MANDRITRA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MANDRITRA Mandritra ny androm-piainako
dia ho tia anao hatrany ny foko,
ho lasa anyfoana ny fisainako,
na indraindray aza re mitoloko.
Mandritra ny androm-piainako
dia eritreretiko ny tantarantsika,
na, indrisy, tonga fanaintainako
anio ka tomany no mandriaka.
Mandritra ny androm-piainako
dia tsaroako ny sedra nanjohy
tsy ataoko akory fahalainako
fa namefy ahy teny ka tsy foy.
Mandritra ny androm-piainako
dia tehiriziko irery ny efa voady
izay taloha ange ka fitarainako
fa ankehitriny dia toky sahady.
Fredy JAOFERA
--------
Rohy:
Sokajy :
Fisarahana - Fahatsiarovana - Fananarana - Alahelo - Eritreritra mandalo - Fiainana - Aingam-panahy - Fitiavana
