MANGOTSOKOTSOKA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MANGOTSOKOTSOKAMangotsokotsoka ny lasa
rehefa mitokana mangina ;
mamoha eny sy mampiasa
ireo efa nitondra fanaviana.
Mangotsokotsoka ny jaly
rehefa manorana ny tany ;
tsy hay loatra izay havaly
ka tonga eto ireo tomany.
Mangotsokotsoka ny fery
rehefa misaontsaona ny fo ;
tsy hita ambara ny efa very
na ny efa rava sy ny efa lo.
Mangotsokotsoka ny hafy
rehefa reraky ny fiainana ;
tadidy foana ny ady mafy,
tsy dia ilana fitarainana.
Fredy JAOFERA
--------
Rohy:
Mpakafy:
jaenclauderakotoni
