MANIMANINA (Fredy Jaofera)

Nantsain'i
(Nalaina tao amin'ny vetso.serasera.org)
MANIMANINA





Manimanina ny foko
fa mahatsiaro azy ery ;
mitaditady ka misoko
'lay alahelo vao nitia.




Manimanina ny saiko
mankany sy misidina ;
mitaditady ka lanjaiko
fa zary miaka-midina.




Manimanina ny tany
mamelombelom-bazo,
tongatonga ny tomany,
asa loatra 'zay mahazo.



Manimanina ny ora
mampisento lalandava,
mivetsovetso eto mora
fa misy jaly tsy misava.




Fredy JAOFERA
--------
Rohy:
456 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 31/03/2022 15:48
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0756