MANORATRA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MANORATRA Manoratra aho
rehefa misy tomany
mamoha ny nandao
efa mba any ho any.
Manoratra aho
rehefa misy manery
fa ny ao anatiko ao
dia kikisan'ny fery.
Manoratra aho
rehefa misy mibaiko
fa mbola mifamaho
ny sedra nozakaiko.
Manoratra aho
rehefa poety ny foko
na misento raha vao
misy alahelo misoko.
Fredy JAOFERA
--------
Rohy:
