MARI-PAHAMBANIANA (Fredy Jaofera)

MARI-PAHAMBANIANA





Mari-pahambaniana
ny manimba zavatra,
mifono habibiana
sy alahelo fatratra.




Mari-pahambaniana
ny tia mamaly ratsy
fa tsy ho fitahiana
hahazoana vatsy.




Mari-pahambaniana
ny mialona fahatany
hita ho faharatsiana
tsy mahasoa ny tany.




Mari-pahambaniana
'zay tia mamaly faty,
tsy hahazo fitoniana
ny sainy ka soraty !




Fredy JAOFERA
--------