MATOA (Fredy Jaofera)
(Nalaina tao amin'ny vetso.serasera.org)
MATOAMatoa aho mitsiky,
ry tiako sy tsy foiko,
dia mitady ny hikiky
'reo ratra toa misoko.
Matoa aho miravo,
te hifaly sesilany,
raketo fa manjavo
ny orako eto izany.
Matoa aho mihira,
tsy fitia ny te hikalo
fa dia tsy ampy sira
ny andro ka mimalo.
Matoa aho mandihy
ka te hihetsika tokoa,
modimody mankafy
fa fery tsy mba roa.
Fredy JAOFERA
--------
Lien:
Catégorie :
Alahelo
