MIDONA (Fredy Jaofera)
Pas encore lu
(Nalaina tao amin'ny vetso.serasera.org)
MIDONARaha averiko eto ireny Lasa tsy nitoetra
mipolololotra ho azy ny sento nampitsetra ;
mamolivoly izany ka izay hita sy tazanina
mamoaka vetivety ny embona sy hanina.
Dia eritreritra miserana, rivodrivotra madio
no mitondra ny alahelo misy ratra...Tadidio !
Fahanginana hafahafa no iny mampahatsiaro
ny sangisangy, kalokalo na ny tebiteby maro.
Bitsibitsika malefaka no manaitaitra etoana
mamerina tomany sy mampirediredy foana ;
mamelona indray ireny fery izay tsy zaka
manambara lava fa toy ny voan'ny daka !
Hetaheta hatrany sy mbola mamy loatra
ny hikaroka eto ireo izay any an-koatra ;
nofifofy adala natao tsotra hanoratana
fa mbola sarobidy, na tsy hita vatana.
Fredy JAOFERA
--------
Lien:
Catégorie :
Hanina - ahy - Fahatsiarovana - embona - Eritreritra mandalo - Alahelo - fiainana - Aingam-panahy
