MILAZA (Fredy Jaofera)

MILAZA


Milaza ho manam-pitiavana
kanefa tsy tia
iny olona manam-piniavana
hamery ny dia.




Milaza ho manam-pitserana
kanefa jereo
fa maro mila hanan-toerana
ny eso, zareo.




Milaza ho manam-pihavanana
kanefa nahoana
no tsy nikatsaka izay fiadanana
hitobaka foana.




Milaza ho manam-pisainana
kanefa ny atao,
mandreraka lava ny fiainana
ka dia nandao.




Fredy JAOFERA
--------