MIPOAKA NY VARATRA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MIPOAKA NY VARATRAMipoaka ny varatra
ka latsaka ny orana ;
ny ainga no miakatra
ka soratra no izorana.
Mipoaka ny varatra
ka embona no feno ;
tsy mba mitsahatra
ka injao mbola heno.
Mipoaka ny varatra
ka manina eto irery ;
tsy ilaiko mitaratra
ny tselatra mahery.
Mipoaka ny varatra
ka tsaroana ny any ;
inona re ity mihatra
fa tonga ny tomany ?
Fredy JAOFERA
--------
Rohy:
Sokajy :
Ahy - Embona - Fahatsiarovana - Fananarana - Fiaraha-monina - Alahelo - Eritreritra mandalo - Fiainana - Aingam-panahy
