MISOSOKA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MISOSOKA Lasa ny mamba,
misosoka ny voay
ka tsy ho angamba
ny hiaina amin'izay.
Avelao izy ho any
fa ny tsara dia be,
tsy tanjon'ny tany
ny ho tokana re !
Tsy miala ny zoto
hitady hafa indray
ka tsy mirotoroto
fa mitony fahizay.
Izany no fiainana
ka ekena marina,
tsy dia itarainana
f'efa namboarina.
Fredy JAOFERA
--------
Rohy:
Sokajy :
Fisarahana - Ahy - Fahatsiarovana - Fananarana - Fiaraha-monina - Alahelo - Eritreritra mandalo - Fiainana - Aingam-panahy
