MISY FOANA PENINA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MISY FOANA PENINAMisy foana penina
anoratana ho anao,
na dia tsy tenenina
ny misy amin'izao.
Misy foana penina
mitondra fitiavana
mbola tsy afenina
fa tsy fandavana.
Misy foana penina
manafatra hihaona,
na olona badenina
fony nanan-tsaona.
Misy foana penina
milaza ny tsy zaka
sao dia ho nenina
rehefa lalim-paka.
Fredy JAOFERA
--------
Rohy:
Sokajy :
Fisarahana - Fananarana - Alahelo - Eritreritra mandalo - Fiainana - Aingam-panahy - Fitiavana
