NA DIA KELY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NA DIA KELYTsy mihena, na dia kely
'zay lanjan'ny fitiavana
fa miombo sy modely,
na nahazo fandavana.
Tsy miova, na dia kely
'zay lokom-pitokisana
fa kanto toy ny angely
sy mbola nanofisana.
Tsy miato, na dia kely
'zay hiran'ny tantara
fa mainka aza hiely
sy mbola hihatsara.
Tsy maty, na dia kely
'zay sangisangy tiana
fa mainka aza hively
ny soa am-pitsikiana.
Fredy JAOFERA
--------
Rohy:
Sokajy :
ahy - Fisarahana - Fahatsiarovana - Eritreritra mandalo - Alahelo - fiainana - Aingam-panahy - Fitiavana
