NANDRITRA NY NITIAVAKO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NANDRITRA NY NITIAVAKONandritra ny nitiavako,
nahazo latsa aho ange,
nanamaloka ny tavako
teny amin'izay naleha.
Nandritra ny nitiavako,
nohamaivanina tokoa,
sasa-poana ny vavako
ka tsy hita ho namoa.
Nandritra ny nitiavako,
tsy nivatsy fihavanana
fa nanaraby ny havako
tsy hahalala fiadanana.
Nandritra ny nitiavako,
tsy mba azo nantenaina,
na teo aza ny finiavako
nanavao isa-maraina.
Fredy JAOFERA
--------
Rohy:
Sokajy :
Fitiavana - Fisarahana - Fiononana - fiainana - fananarana - Eritreritra mandalo - Alahelo - Aingam-panahy
Mpakafy:
MAZ RAMANA
