NATAOKO (Fredy Jaofera)

NATAOKO




Nataoko ho tomany mpirotsaka hariva
iny lasa nandeha any anatin'ny zavona
kanefa tsy izany fa tamin'ny feo iva
no nohirahirainy izay mba tsy avona.




Nataoko ho tebiteby mpisy matetika
ireo izay nipoitra tao anatin'ny alina
kanefa tsy izany fa nahatsara fitetika
an'ireo nofinofy toa be zava-dalina !




Nataoko ho ratra mpahazo mangina
ireo nisodisody sy izay tazako tamy
kanefa tsy izany fa injao fitahiana
mivimbina eto ny soa sy ny mamy.




Nataoko ho latsa mpanitsaka foana
ireo niantso tamin'ny hiaka mafonja
kanefa tsy izany fa zary nampihaona
'reny dera sy laza tsy indray monja.





Fredy JAOFERA
--------