NORAKETIKO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NORAKETIKONoraketiko an-tsoratra
ny adim-piainana maro,
nanampy ny ho tohatra
niakarana re ka fantaro.
Noraketiko an-tsoratra
ny nahalavo tanteraka
fa voa iray namokatra
ny kiry ela nandreraka.
Noraketiko an-tsoratra
ny ranomaso nilatsaka
tsy nahavita nanokatra
hafaliana, na nikatsaka.
Noraketiko an-tsoratra
ny jaly tsy hay aboraka
sao mety ny ho ohatra
hanilo an'izay nivoraka.
Fredy JAOFERA
--------
Rohy:
Sokajy :
Ahy - Fananarana - Fiainana - Fisarahana - Ahy - Fahatsiarovana - Fananarana - Alahelo - Eritreritra mandalo - Fiainana
